Më lehtë është hakimi i sistemit zgjedhor se sa eBay ose Citi bank, pohon Sergej Pavloviq, njëri nga hakerët më të njohur bjellorusë.

Ky kriminel i sajberit, është i njohur për bashkësinë onlajn me pseudonimin “Policedog”, shumë herët ishte bërë haker dhe deri në moshën 20-vjeç kishte fituar 100.000 dollarë në muaj në mashtrimet me kreditë kartela.

Qysh në fillim të viteve 2000 ishte njëri nga figurat udhëheqëse të nëntokës sajber në Evropën Lindore.

Duke mos dashur të komentojë akuzat për përfshirjen ruse në zgjedhjet presidenciale në SHBA, Pavloviq thotë se sot është gjithnjë e më lehtë t’iu bashkohet organizatave qeveritare duke iu falënderuar aplikacioneve të shumta, të cilat zhvillohen çdo ditë.

Pavloviq thotë se më së vështiri është që të hakohen sistemet e bankave komerciale, sistemi onljan i pagesave, rrjetet e bankomateve, lokacionet e ndryshme për ruajtjen e të dhënave me PIN kodet e mbrojtura, si dhe faqet e mëdha komerciale siç është eBay.

Ndryshe, që nga dalja nga burgu në vitin 2015, Pavloviq nuk merret më me sajber krim.